उपप्रमुख महिला प्रजनन स्वास्थ्य कार्यक्रम अर्न्तगत हरेक महिनाको पहिलो आईतबार सञ्चालन हुदै आएको एकिकृत महिला प्रजनन स्वास्थ्य कार्यक्रममा र्मसिर ७ गते आज ६९ जना महिलाहरुले सेवा प्राप्त गरेका छन ।
बाराको निजगढ प्राथमिक स्वास्थ्य केन्द्रमा नारायणी अस्पताल बिरगन्जकी बरिष्ठ स्त्री तथा प्रसुति रोग बिशेषज्ञ मञ्जु रायले क्लिनिकमा उपचार र परामर्श प्रदान गर्नु भएको थियो । जसमा पाठेघरकोे मुखको क्यान्सर जाँच भि.आई.ए. द्धारा जाँच २२ जना रहेका छन ।
त्यसैगरी महिलाहरुमा आङ्ग खस्ने समस्याको रिङ्ग पेसरीद्धारा उपचार ९ जना, अप्रेशनका लागि रिफर २ जना रहेका छन । त्यस्तै बाझोपनको उपचार २ जना, स्तन सम्बन्धि समस्या ३ जना र बाकी महिलाहरुसग सम्बन्धित अन्य समस्या भएकाहरुको उपचार र निशुल्क औषधीका साथै परामर्श प्रदान गरिएको कार्यक्रमको फोकल पर्सन नर्सिङ्ग रामप्यारी तिमल्सिनाले जानकारी दिनु भएको छ ।
