निजगढ । बारामा पनि जलविन्दु सप्ताह मनाईएको छ । जलविन्दु रोग र यसले आँखामा पार्ने असर र अपनाउनु पर्ने सावधानीहरुको बारेमा जनचेतना जागाउने उद्धेश्यले प्रत्येक वर्ष मार्च महिनामा विश्वभर जलविन्दु सप्ताह मनाउने गरिएको छ । सोही अवसरमा निजगढ तिलगंगा सामुदायिक आँखा अस्पतालले निजगढ नगरपालिकाका बिभिन्न वडामा रहेका स्वास्थ्य केन्द्र प्रमुखहरुसंग अन्तरक्रिया कार्यक्रम आयोजना गरेको हो ।
निजगढ नगरपालिका प्रमुख सुरथ पुरीले नगरवासीको आँखा स्वास्थ्यको लागि आँखा अस्पतालसँग सहकार्य गरेर आगी बढ्ने बताउनु भयो । अस्पताल प्रमुख डा. विष्णु हरी मरहठ्ठाले जलबिन्दु रोगको बारेमा जानकारी प्रदान गर्नु भएको थियो । रोगको समयमा पहिचान गर्न के के गर्नु पर्छ, पहिचान भयो भने के गर्ने बारेमा प्रकाश पार्नु भएको थियो । कार्यक्रममा निजगढ नगरपालिका सबै वडाका गरी ३५ जना स्वास्थ्यकर्मीहरुको सहभागिता थियो ।
